ភ្នំពេញ: កំណើនសេដ្ឋកិច្ចប្រទេសកម្ពុជា ឬហៅថា ផលិតផលក្នុងស្រុកសរុប GDP នៅឆ្នាំ២០១២ មានចំនួន ៧,២៥ % ប្រសិនបើវិស័យកសិកម្ម វិលទៅរកការរីកចម្រើន ដូចមុនគ្រោះទឹកជំនន់។ នេះបើតាមការព្យាកររបស់មូលនិធិរូបិយវត្ថុអន្តរជាតិ IMF។
ការព្យាករពីកំណើនសេដ្ឋកិច្ចកម្ពុជាយ៉ាងដូច្នេះ ត្រូវបាន IMF ប្រកាសក្នុងសន្និសីទកាសែត កាលពីរសៀលថ្ងៃទី៨ធ្នូ ឆ្នាំ២០១១។ សេចក្តីប្រកាស បង្ហាញថា ដោយរំពឹងលើវិស័យកសិកម្ម ថានឹងវិលត្រឡប់ទៅរកការរីកចម្រើន ដូចមុនគ្រោះទឹកជំនន់ នៅឆ្នាំនេះ នោះកំណើនសេដ្ឋកិច្ចកម្ពុជា អាចនឹងកើនឡើងដល់ ៧,២៥% នៅឆ្នាំ២០១២។
តាមការព្យាកររបស់ IMF កំណើនសេដ្ឋកិច្ចកម្ពុជា នៅឆ្នាំ២០១១នេះ ត្រូវបានរំពឹងថា នឹងមានកំណើនចំនួន ៧,៥% ដែលជាកំណើនដ៏ខ្ពស់ បើប្រៀបធៀបនឹងរយៈពេល ៤ ឆ្នាំចុងក្រោយនេះ បន្ទាប់ពីវិបត្តិសេដ្ឋកិច្ចសកល នៅឆ្នាំ២០០៨។
មូលនិធិរូបិយវត្ថុ IMF ដែលមានមូលដ្ឋានធំ នៅសហរដ្ឋអាមេរិក ក៏បានលើកឡើងថា កំណើនសេដ្ឋកិច្ចកម្ពុជា ដែលកើនដល់ ៧,៥% នៅឆ្នាំ២០១១ បានមកពីកំណើនផ្នែកនាំចេញវិស័យកាត់ដេរ វិស័យទេសចរណ៍ វិស័យអចលនទ្រព្យ និងវិស័យកសិកម្ម។ វិស័យកសិកម្ម ដែលត្រូវបាន IMF លើកឡើងថា នៅក្នុងរយៈពេល ៩ ខែដំបូង ក្នុងឆ្នាំ២០១១ បានកើនឡើងខ្លាំង មុនពេលត្រូវរងគ្រោះ ដោយទឹកជំនន់។
ចំណែកអតិផរណា ទំនិញឡើងថ្លៃ ក៏ត្រូវបាន IMF លើកឡើងថា មានការកើនឡើងខ្លាំង នៅឆ្នាំ២០១១ ដោយសារតែការឡើងថ្លៃខ្ពស់នូវតម្លៃម្ហូបអាហារ និងប្រេងឥន្ធនៈ។ IMF ប្រកាសថា នៅឆ្នាំ២០១១ អតិផរណានៅកម្ពុជា នឹងមានកម្រិត ៥,៧% ហើយនៅឆ្នាំ២០១២ អតិផរណានឹងធ្លាក់ចុះ មកនៅត្រឹមតែ ៥% ប៉ុណ្ណោះ៕
| TIME | |||||
|---|---|---|---|---|---|
| Sydney | Tokyo | Ha Noi | HongKong | LonDon | NewYork |
| Prices By NTGOLD | ||
|---|---|---|
| We Sell | We Buy | |
| 37.5g ABC Luong Bar | ||
| 4,479.90 | 4,149.90 | |
| 1oz ABC Bullion Cast Bar | ||
| 3,719.50 | 3,399.50 | |
| 100g ABC Bullion Bar | ||
| 11,895.90 | 10,965.90 | |
| 1kg ABC Bullion Silver | ||
| 1,476.70 | 1,126.70 | |
Powered by: Ngoc Thanh NTGold
- Online: 25
- Today: 998
- Total: 3910713