NTGOLD - NEWS

ប្រធានធនាគារពិភពលោកនិយាយថា សហរដ្ឋអាមេរិកគួរតែដឹកនាំអង្គការពិភពលោកមួយចំនួន

2012-02-28 10:02:32

បេក្ខភាពមកពីអាមេរិកសម្រាប់ធ្វើជាថ្នាក់ ដឹកនាំធនាគារពិភពលោកនឹងផ្តល់ផលប្រយោជន៍ល្អសម្រាប់សហរដ្ឋ អាមេរិក និងធនាគារ ព្រោះប្រទេសមហាអំណាចសេដ្ឋកិច្ចលេខមួយរបស់ពិភពលោកនឹងក្លាយ ជាតំណាងអង្គភាពអន្តរជាតិកំពូល ។ នេះបើតាមការលើកឡើងរបស់លោក Robert Zoellick ប្រធានធនាគារពិភពលោក ។ តាមរយៈកិច្ចសម្ភាសន៍ក្នុងប្រទេសសិង្ហបុរី លោក Zoellick បានថ្លែងថា គាត់មិនជឿថា ប្រទេសអេស្ប៉ាញ អ៊ីតាលី ឬប្រទេសព័រទុយហ្គាល់ត្រូវការបញ្ចប់ជំនួយដើម្បីសម្រាលប្រាក់ បំណុលដែលចេះតែរីករាលដាលនោះឡើយ។

ប៉ុន្តែកំណែទម្រង់ត្រូវការជាចាំបាច់នូវ ការគាំទ្រជាខ្លាំងពីប្រទេសអាល្លឺម៉ង់ និងបណ្តាប្រទេសក្នុងសហភាពអឺរ៉ុប ហើយបានលើកឡើងដោយប្រុងប្រយ័ត្នលើភាពសុទិដ្ឋិនិយមថា សេដ្ឋកិច្ចពិភពលោកនឹងរីកចម្រើនទៅមុខក្នុងឆ្នាំនេះ។ ធនាគារពិភពលោកកាលពីសប្តាហ៍មុនបានដំណើរការសម្របសម្រួល ក្នុងការជ្រើសរើសប្រធានធនាគារពិភពលោកបន្តវេនពីលោក Zoellick ដែលត្រូវផ្លាស់ប្តូរនាខែមិថុនា ។ បេក្ខភាពទាំងអស់មកពីបណ្តាលប្រទេសនានាចំនួន១៨៧នាក់។ ចំណែករដ្ឋាភិបាលរបស់លោកអូបាម៉ា ក៏បាននិយាយថា ខ្លួននឹងបើកទូលាយសម្រាប់ដំណើរការប្រកួតប្រជែង ។
លោក Zoellick បានកត់សម្គាល់ថា ទោះជាយ៉ាងណា សហរដ្ឋអាមេរិកមិនបានគ្រប់គ្រងតំណែងកំពូលនៅអង្គការសហប្រជា ជាតិឡើយ ដូចជាអង្គការពាណិជ្ជកម្មពិភពលោក ធនាគារអភិវឌ្ឍន៍តំបន់ ឬមូលនិធិរូបិយវត្ថុអន្តរជាតិជាដើម ។

លោកចង់ឱ្យសហរដ្ឋអាមេរិកដឹងពីអារម្មណ៍ នៃការទទួលខុសត្រូវលើប្រព័ន្ធអន្តរជាតិ ។ ហេតុនេះដើម្បីឱ្យដឹងពីអារម្មណ៍បែបនោះ ពេលដែលអ្នកសម្រេចជ្រើសរើសយកបេក្ខភាពសហរដ្ឋអាមេរិក លោកគិតថា វាក៏ជាផលល្អសម្រាប់សហរដ្ឋអាមេរិក និងធនាគារដូចគ្នា ។ សរុបមក មនុស្ស៣នាក់ដែលទទួលបានការចាប់អារម្មណ៍ខ្លាំងបំផុតសម្រាប់ បន្តវេនប្រធានធនាគារពិភពលោក គឺលោកស្រីរដ្ឋមន្ត្រីការបរទេសហ៊ីលឡារី គ្លីនតុន អតីតទីប្រឹក្សាសេដ្ឋកិច្ចសេតវិមាន និងអតីតទេសាភិបាលរងធនាគារជាតិអាមេរិក Lawrence summer។ តែក្រសួងការបរទេសបានចេញសេចក្តីប្រកាសថា លោកស្រីគ្លីនតុន នឹងមិនចូលកាន់តំណែងនោះឡើយ ។

លោក Zoellick និយាយថា កញ្ចប់ជំនួយចុងក្រោយសម្រាប់ប្រទេសក្រិកក្នុងទឹកប្រាក់ចំនួន ១៣០ពាន់លានអឺរ៉ូ គឺជាព្រំដែនពេលវេលានៃការទិញចូល ។ វាដូចជាលឿនពេកដើម្បីឱ្យដឹង ដោយគ្រាន់តែពឹងផ្អែកទៅលើប្រតិកម្មរបស់ប្រទេសក្រិកដែលនឹង យកមកអនុវត្ត ។ សហភាពអឺរ៉ុបបានដោះស្រាយជាមួយប្រទេសក្រិកគ្រាន់តែជាដំណាក់ កាលទី១ តែដំណាក់កាលសំខាន់គឺត្រូវពឹងផ្អែកលើភាពជោគជ័យនៃប្រទេសធំ ៗមួយចំនួន ដូចជាប្រទេសអ៊ីតាលី និងអេស្ប៉ាញ។ ប៉ុន្តែកញ្ចប់ប្រាក់ជំនួយមិនចាំបាច់ទេសម្រាប់ប្រទេសទាំង២ ឬប្រទេសព័រទុយហ្គាល់។

ស្ថានភាពនៃប្រទេសនីមួយៗគឺខុសគ្នា ហើយអ្នកនឹងមានបញ្ហាជាប់ប្រទាក់គ្នាចំនួន៣។ សម្រាប់បញ្ហាមួយចំនួនគឺទំហំនៃប្រាក់បំណុលជាតិ ហើយខ្លះទៀតគឺផលប៉ះពាល់លើវិស័យឧស្សាហកម្មធនាគារ ហើយមួយចំនួនទៀតគឺការប្រកួតប្រជែងរបស់ពួកគេ ។ លោកបន្តថា ប្រទេសអេស្ប៉ាញ និងអ៊ីតាលីទទួលបានពេលវេលាសម្រាប់ការធ្វើកំណែទម្រង់ ។ គាត់នឹងធ្វើដំណើរទៅកាន់ប្រទេសចិនដើម្បីចេញរបាយការណ៍សេដ្ឋ កិច្ចដ៏ធំរបស់ធនាគារ ខណៈដែលរដ្ឋាភិបាលចិនបានសម្លឹងទុកជាមុននូវឱកាសសេដ្ឋកិច្ច និងការប្រកួតប្រជែងរហូតដល់ឆ្នាំ២០៣០ ។

លោក Zoellick បន្តទៀតថា កំណើនសេដ្ឋកិច្ចពិភពលោកសម្រាប់ឆ្នាំ២០១២ នៅតែមើលឃើញនូវផលវិជ្ជមានដោយសារស្ថានភាពសេដ្ឋកិច្ចចិន និងអឺរ៉ុប ហើយតម្លៃប្រេងឥន្ធនៈនៅតែប៉ាន់ស្មានមិនត្រូវ ។ លោកក៏មានការប្រុងប្រយ័ត្នចំពោះសុទិដ្ឋិនិយមលើសេដ្ឋកិច្ច ពិភពលោកដែរ ។ ការព្យាកររបស់យើងថា ការកើនឡើងប្រហែលជាយឺតបន្តិចក្នុងឆ្នាំនេះ ។ អ្វីដែលលោកឃើញ គឺសេដ្ឋកិច្ចសហរដ្ឋអាមេរិកមានកំណើនទៅមុខបន្តិច ។ ប្រសិនបើទ្វីបអឺរ៉ុបនៅតែបន្តស្ថានភាពមានស្ថិរភាព នោះវាជាផ្នែកមួយដ៏សំខាន់។

ប្រទេសចិនមានបញ្ហាលើវិស័យអចលនទ្រព្យ ប៉ុន្តែតាមការគិតផ្ទាល់ខ្លួនរបស់លោកវានឹងដំណើរការទៅមុខ យ៉ាងរលូន។ សំណួរធំ២សម្រាប់លោកគឺ តម្លៃប្រេង ជាមួយការប្រឈមមុខគ្រោះថ្នាក់នៃនយោបាយ ហើយទ្វីបអឺរ៉ុបកំពុងចាប់ផ្តើមដោះស្រាយរឿងនោះ ។ តម្លៃប្រេងឡើងថ្លៃបានបង្កើតនូវការសង្ស័យថា IEA ប្រហែលសុំឱ្យបញ្ចេញប្រេងស្តុកចូលទីផ្សារ តែសម្រាប់សហរដ្ឋអាមេរិកបានជំទាស់ក្នុងការបញ្ចេញប្រេង ក្នុងកិច្ចប្រជុំ G20 ក្នុងទីក្រុងម៉ិចស៊ិក បើទោះជាមានភាពតានតឹងរវាងទ្វីបអឺរ៉ុប និងប្រទេសអ៊ីរ៉ង់ក៏ដោយ ៕

TIME
Sydney	Tokyo	Ha Noi	HongKong	LonDon	NewYork

Prices By NTGOLD
We Sell	We Buy
37.5g ABC Luong Bar
4,556.60	4,226.60
1oz ABC Bullion Cast Bar
3,791.40	3,481.40
100g ABC Bullion Bar
12,097.00	11,217.00
1kg ABC Bullion Silver
1,582.40	1,232.40