ហ្សាកាតាៈ យោងតាម គេហទំព័រសិង្ហបុរី “Channel News Asia” ចុះផ្សាយនៅរាត្រី ថ្ងៃទី០២ ខែមេសា ឆ្នាំ ២០១២ថា អត្រាអតិផរណានៅក្នុង ប្រទេសឥណ្ឌូនេស៊ី បានកើនឡើងជិត៤ភាគរយ ។
រដ្ឋាភិបាលឥណ្ឌូនេស៊ី បានឱ្យដឹងនៅថ្ងៃចន្ទ ម្សិលមិញនេះថា អត្រាអតិផរណា នៅក្នុងប្រទេសឥណ្ឌូនេស៊ី បានកើន ឡើង៣,៩៧ភាគរយ គិតក្នុង ខែមីនា ឆ្នាំ២០១២ ក្នុងនោះតម្លៃម្ហូបអាហារ និងសម្ភារៈប្រើប្រាស់ គ្រប់ប្រភេទកើន ឡើងតម្លៃ ។
អ្វីដែលគេបានកត់ សម្គាល់ខ្លាំងក្លានោះ គឺតម្លៃប្រេងឥន្ធនៈ បានកើនឡើងខ្ពស់ ដែលបញ្ហានេះ ញ៉ាំងឱ្យតម្លៃផលិតផល ជាច្រើនប្រភេទ បន្ដកើនឡើងថ្លៃ ។
ទីភ្នាក់ងារស្ថិតិកណ្ដាល បានឱ្យដឹងថា តម្លៃផលិតផលប្រើប្រាស់ នៅលើតារាង សន្ទស្សន៍ បានកើនឡើង ៣,៩៧ភាគរយ នៅក្នុងខែមីនា ឆ្នាំ២០១២ ។ នៅក្នុងខែកុម្ភៈ កើនឡើង៣,៥៦ភាគរយ ។
គួររំលឹកថា អត្រាអតិផរណាបានកើន ឡើងខ្លាំងគិតចាប់ពីដើមឆ្នាំនេះ មកដល់បច្ចប្បន្ន ។
ប្រធានទីភ្នាក់ងារខាងលើ បានលើកឡើងថា “តម្លៃម្ហូបអាហារ បានកើនឡើង ក្នុងនោះមានបន្លែ ម្ទេស ម្រេច បាន បន្ដកើនឡើងខ្ពស់” ។
ប្រធានទីភ្នាក់ងារបានបញ្ជាក់ទៀតថា “តម្លៃផលិតផលនៅក្នុង ប្រទេសឥណ្ឌូនេស៊ី កើនឡើង ពិសេសតម្លៃម្ទេស នៅតាមបណ្ដាខេត្ដ នានាបានកើនឡើងខ្លាំងក្លា ។ សូមបញ្ជាក់ថា ប្រទេសនេះត្រូវការ ប្រើប្រាស់ម្រេចច្រើន ” ៕
| TIME | |||||
|---|---|---|---|---|---|
| Sydney | Tokyo | Ha Noi | HongKong | LonDon | NewYork |
| Prices By NTGOLD | ||
|---|---|---|
| We Sell | We Buy | |
| 37.5g ABC Luong Bar | ||
| 4,544.50 | 4,214.50 | |
| 1oz ABC Bullion Cast Bar | ||
| 3,772.20 | 3,452.20 | |
| 100g ABC Bullion Bar | ||
| 12,031.50 | 11,101.50 | |
| 1kg ABC Bullion Silver | ||
| 1,484.10 | 1,134.10 | |
Powered by: Ngoc Thanh NTGold
- Online: 13
- Today: 1819
- Total: 3902624