តេរ៉ង់ៈ យោងតាមគេហទំព័រសិង្ហបុរី “Channel News Asia” ចុះផ្សាយនៅរាត្រីថ្ងៃទី០៧ ខែមេសា ឆ្នាំ២០១២ ថា តួលេខនៃការមិនបាន នាំប្រេងចេញរបស់ប្រទេស អ៊‌ីរ៉ង់ បានកើនឡើង ២៩ភាគរយ ទោះបីជាប្រទេសនេះ ទទួលបានសច្ចាប័នថ្មីក៏ដោយ ។

តួលេខផ្លូវការមួយ បានឱ្យដឹងថា បន្ទាប់ពីប្រទេសលោកខាងលិច ដាក់ទណ្ឌកម្មសេដ្ឋកិច្ច ពោលមិនផ្ដល់សច្ចាប័នដល់ ប្រទេសអ៊‌ីរ៉ង់ ក្នុងការនាំប្រេងចេញទៅ បរទេសគិតចាប់ពីពាក់កណ្ដាលខែមីនា ឆ្នាំ២០១២ កន្លងមកនេះ តួលេខបាន បង្ហាញថាកើនឡើងប្រមាណ ហើយតួលេខ នៃការមិនបាននាំប្រេងចេញ នេះបានកើនឡើង ២៩ភាគរយ ស្មើនឹងទឹកប្រាក់ជិត ៤៤ពាន់លានដុល្លារសហរដ្ឋអាមេរិក ទោះបីជាពេលនេះ លោកខាងលិចបានសម្រេចផ្ដល់ សច្ចាប័នថ្មីក៏ ដោយក៏ការនាំចេញ របស់ប្រទេសនេះ នៅធ្លាក់ចុះដដែល ។

ទីភ្នាក់ងារព័ត៌មាន “អាយ អ័រ អ៊‌ិន អេ” បានចុះផ្សាយថា សរុបការនាំចេញ ដោយមិនរាប់បញ្ចូលការនាំចេញប្រេង ឆៅគិតជាទឹកប្រាក់ស្មើនឹង៤៨ពាន់លានដុល្លារ ។

គួរបញ្ជាក់ថា អ៊‌ីរ៉ង់ ត្រូវបានសហរដ្ឋអាមេរិក មិនផ្ដល់សច្ចាប័នសម្រាប់ការនាំប្រេងចេញ ទៅកាន់បណ្ដាប្រទេសនានាលើពិភពលោក ក្នុងនោះមានជប៉ុន អង់គ្លេស បារាំង ជាដើម ។ អ៊‌ីរ៉ង់ ក៏ត្រូវបានគេដឹងថា តួលេខនៃការនាំប្រេងចេញ បានធ្លាក់ចុះយ៉ាងគំហុក បន្ទាប់ពីបិទការនាំចេញប្រេងទៅកាន់អង់គ្លេស និងបារាំង រួមទាំងការកាត់បន្ថយនាំ ចេញទៅកាន់ជប៉ុនថែមទៀត កក្ដានេះញ៉ាំងឱ្យអ៊‌ីរ៉ង់ បាត់បង់ប្រាក់ចំណូល មិនតិចលានដុល្លារឡើយ ។

ទន្ទឹមនឹងនេះដែរ បន្ទាប់ពីសហរដ្ឋអាមេរិក បានអនុញ្ញាតបើកភ្លើងខៀវ ឱ្យជប៉ុនបើកទូលាយការនាំចូលប្រេងពីអ៊‌ីរ៉ង់ វិញនោះ ក៏សន្ទុះតួលេខនៃការនាំចេញរបស់ ប្រទេសនេះនៅតែស្រុតចុះនៅឡើយទេ គិតមកដល់ត្រឹមដើមខែមេសា ឆ្នាំ២០១២ ។

បញ្ហាដែលធ្វើឱ្យអ៊‌ីរ៉ង់ ខកខាន និងថយចុះនូវការនាំប្រេងចេញ ដោយសារតែប្រទេសនេះ ត្រូវបានលោកខាងលិច ប្រកាន់ថាបានលាក់បាំងកន្លែងផលិត អាវុធជីវសាស្ដ្រ ពោលបានលួចប្រើថាមពលនុយក្លេអ៊ែរ ដែលមានសារធាតុ អ៊ុយរ៉ាញ៉ូម នឹងគ្រោងផលិតអាវុធបរមាណូ តែរដ្ឋាភិបាលតេរ៉ង់ បានច្រានចោលទាំងស្រុង ហើយបញ្ហាវិវាទនេះក៏ នៅបន្ដនៅឡើយរវាងអ៊‌ីរ៉ង់ និងលោកខាងលិច រួមទាំងបណ្ដាប្រទេសធំៗលើលោក ៕

• Gold Sees Decent Short-Covering Bounce, Some Technical Buying   (2015-12-22 04:49:24)
• Gold Set for Longest Weekly Rally Since 2011 on Ukraine Tension   (2014-03-14 11:30:57)
• ការបញ្ជាទិញគ្រឿង ម៉ាស៊ីនពីជប៉ុន បានកើន ឡើងជិត៥ភាគរយ    (2012-04-12 09:17:13)
• កំណើនសេដ្ឋកិច្ច ចិន នឹងកើនឡើង ៨,៥ភាគរយ ក្នុងឆ្នាំនេះ    (2012-04-12 09:16:25)
• ផលិតកម្មប្រេង របស់អ៊‌ីរ៉ង់ ថយចុះ ក្នុង១ថ្ងៃចំនួន ៥០០ពាន់បារ៉ែល    (2012-04-12 09:13:40)
• ធនាគារ កណ្ដាលអឺរ៉ុបៈ សេដ្ឋកិច្ចរបស់ក្រិច នឹងកើនឡើងវិញ នៅក្នុងឆ្នាំ២០១៤   (2012-04-11 09:12:14)
• ធនាគារពិភពលោក អនុម័តផ្ដល់ប្រាក់ កម្ចី៥២២ពាន់លាន ដុល្លារដល់វៀតណាម   (2012-04-11 09:11:34)
• វិស័យពាណិជ្ជកម្ម របស់ចិន នៅក្នុង ខែមីនា កើនឡើង   (2012-04-11 09:10:17)
• វៀតណាម-ឡាវ បង្កើនវិស័យ ពាណិជ្ចកម្មគិតជា ទឹកប្រាក់ប្រមាណ ១ពាន់លានដុល្លារ   (2012-04-11 09:09:14)
• ការនាំចេញរបស់ ប្រទេសកូរ៉េខាងត្បូង ក្នុងត្រីមាសទី២ នឹងកើនឡើង ៣ភាគរយ   (2012-04-11 09:08:23)